1 vnumber="1"> הללו-יה br הודו ליהוה כי-טוב-- כי לעולם חסדו br
2 vnumber="2"> מי--ימלל גבורות יהוה ישמיע כל-תהלתו br
3 vnumber="3"> אשרי שמרי משפט עשה צדקה בכל-עת br
4 vnumber="4"> זכרני יהוה ברצון עמך פקדני בישועתך br
5 vnumber="5"> לראות בטובת בחיריך-- לשמח בשמחת גויך br להתהלל עם-נחלתך br
6 vnumber="6"> חטאנו עם-אבותינו העוינו הרשענו br
7 vnumber="7"> אבותינו במצרים לא-השכילו נפלאותיך-- br לא זכרו את-רב חסדיך br וימרו על-ים בים-סוף br
8 vnumber="8"> ויושיעם למען שמו-- להודיע את-גבורתו br
9 vnumber="9"> ויגער בים-סוף ויחרב ויוליכם בתהמות כמדבר br
10 vnumber="10"> ויושיעם מיד שונא ויגאלם מיד אויב br
11 vnumber="11"> ויכסו-מים צריהם אחד מהם לא נותר br
12 vnumber="12"> ויאמינו בדבריו ישירו תהלתו br
13 vnumber="13"> מהרו שכחו מעשיו לא-חכו לעצתו br
14 vnumber="14"> ויתאוו תאוה במדבר וינסו-אל בישימון br
15 vnumber="15"> ויתן להם שאלתם וישלח רזון בנפשם br
16 vnumber="16"> ויקנאו למשה במחנה לאהרן קדוש יהוה br
17 vnumber="17"> תפתח-ארץ ותבלע דתן ותכס על-עדת אבירם br
18 vnumber="18"> ותבער-אש בעדתם להבה תלהט רשעים br
19 vnumber="19"> יעשו-עגל בחרב וישתחוו למסכה br
20 vnumber="20"> וימירו את-כבודם בתבנית שור אכל עשב br
21 vnumber="21"> שכחו אל מושיעם-- עשה גדלות במצרים br
22 vnumber="22"> נפלאות בארץ חם נוראות על-ים-סוף br
23 vnumber="23"> ויאמר להשמידם br לולי משה בחירו-- עמד בפרץ לפניו br להשיב חמתו מהשחית br
24 vnumber="24"> וימאסו בארץ חמדה לא-האמינו לדברו br
25 vnumber="25"> וירגנו באהליהם לא שמעו בקול יהוה br
26 vnumber="26"> וישא ידו להם-- להפיל אותם במדבר br
27 vnumber="27"> ולהפיל זרעם בגוים ולזרותם בארצות br
28 vnumber="28"> ויצמדו לבעל פעור ויאכלו זבחי מתים br
29 vnumber="29"> ויכעיסו במעלליהם ותפרץ-בם מגפה br
30 vnumber="30"> ויעמד פינחס ויפלל ותעצר המגפה br
31 vnumber="31"> ותחשב לו לצדקה לדר ודר עד-עולם br
32 vnumber="32"> ויקציפו על-מי מריבה וירע למשה בעבורם br
33 vnumber="33"> כי-המרו את-רוחו ויבטא בשפתיו br
34 vnumber="34"> לא-השמידו את-העמים-- אשר אמר יהוה להם br
35 vnumber="35"> ויתערבו בגוים וילמדו מעשיהם br
36 vnumber="36"> ויעבדו את-עצביהם ויהיו להם למוקש br
37 vnumber="37"> ויזבחו את-בניהם ואת-בנותיהם-- לשדים br
38 vnumber="38"> וישפכו דם נקי דם-בניהם ובנותיהם-- אשר זבחו לעצבי כנען br ותחנף הארץ בדמים br
39 vnumber="39"> ויטמאו במעשיהם ויזנו במעלליהם br
40 vnumber="40"> ויחר-אף יהוה בעמו ויתעב את-נחלתו br
41 vnumber="41"> ויתנם ביד-גוים וימשלו בהם שנאיהם br
42 vnumber="42"> וילחצום אויביהם ויכנעו תחת ידם br
43 vnumber="43"> פעמים רבות יצילם br והמה ימרו בעצתם וימכו בעונם br
44 vnumber="44"> וירא בצר להם-- בשמעו את-רנתם br
45 vnumber="45"> ויזכר להם בריתו וינחם כרב חסדו br
46 vnumber="46"> ויתן אותם לרחמים-- לפני כל-שוביהם br
47 vnumber="47"> הושיענו יהוה אלהינו וקבצנו מן-הגוים br להדות לשם קדשך להשתבח בתהלתך br
48 vnumber="48"> ברוך יהוה אלהי ישראל מן-העולם ועד העולם-- br ואמר כל-העם אמן br הללו-יה
art="x-p"/>