1 vnumber="1"> הדו ליהוה כי-טוב כי לעולם חסדו br
2 vnumber="2"> יאמרו גאולי יהוה-- אשר גאלם מיד-צר br
3 vnumber="3"> ומארצות קבצם ממזרח וממערב מצפון ומים br
4 vnumber="4"> תעו במדבר בישימון דרך עיר מושב לא מצאו br
5 vnumber="5"> רעבים גם-צמאים-- נפשם בהם תתעטף br
6 vnumber="6"> ויצעקו אל-יהוה בצר להם ממצוקותיהם יצילם br
7 vnumber="7"> וידריכם בדרך ישרה-- ללכת אל-עיר מושב br
8 vnumber="8"> יודו ליהוה חסדו ונפלאותיו לבני אדם br
9 vnumber="9"> כי-השביע נפש שקקה ונפש רעבה מלא-טוב br
10 vnumber="10"> ישבי חשך וצלמות אסירי עני וברזל br
11 vnumber="11"> כי-המרו אמרי-אל ועצת עליון נאצו br
12 vnumber="12"> ויכנע בעמל לבם כשלו ואין עזר br
13 vnumber="13"> ויזעקו אל-יהוה בצר להם ממצקותיהם יושיעם br
14 vnumber="14"> יוציאם מחשך וצלמות ומוסרותיהם ינתק br
15 vnumber="15"> יודו ליהוה חסדו ונפלאותיו לבני אדם br
16 vnumber="16"> כי-שבר דלתות נחשת ובריחי ברזל גדע br
17 vnumber="17"> אולים מדרך פשעם ומעונתיהם יתענו br
18 vnumber="18"> כל-אכל תתעב נפשם ויגיעו עד-שערי מות br
19 vnumber="19"> ויזעקו אל-יהוה בצר להם ממצקותיהם יושיעם br
20 vnumber="20"> ישלח דברו וירפאם וימלט משחיתותם br
21 vnumber="21"> יודו ליהוה חסדו ונפלאותיו לבני אדם br
22 vnumber="22"> ויזבחו זבחי תודה ויספרו מעשיו ברנה br
23 vnumber="23"> יורדי הים באניות עשי מלאכה במים רבים br
24 vnumber="24"> המה ראו מעשי יהוה ונפלאותיו במצולה br
25 vnumber="25"> ויאמר--ויעמד רוח סערה ותרומם גליו br
26 vnumber="26"> יעלו שמים ירדו תהומות נפשם ברעה תתמוגג br
27 vnumber="27"> יחוגו וינועו כשכור וכל-חכמתם תתבלע br
28 vnumber="28"> ויצעקו אל-יהוה בצר להם וממצוקתיהם יוציאם br
29 vnumber="29"> יקם סערה לדממה ויחשו גליהם br
30 vnumber="30"> וישמחו כי-ישתקו וינחם אל-מחוז חפצם br
31 vnumber="31"> יודו ליהוה חסדו ונפלאותיו לבני אדם br
32 vnumber="32"> וירוממוהו בקהל-עם ובמושב זקנים יהללוהו br
33 vnumber="33"> ישם נהרות למדבר ומצאי מים לצמאון br
34 vnumber="34"> ארץ פרי למלחה מרעת יושבי בה br
35 vnumber="35"> ישם מדבר לאגם-מים וארץ ציה למצאי מים br
36 vnumber="36"> ויושב שם רעבים ויכוננו עיר מושב br
37 vnumber="37"> ויזרעו שדות ויטעו כרמים ויעשו פרי תבואה br
38 vnumber="38"> ויברכם וירבו מאד ובהמתם לא ימעיט br
39 vnumber="39"> וימעטו וישחו-- מעצר רעה ויגון br
40 vnumber="40"> שפך בוז על-נדיבים ויתעם בתהו לא-דרך br
41 vnumber="41"> וישגב אביון מעוני וישם כצאן משפחות br
42 vnumber="42"> יראו ישרים וישמחו וכל-עולה קפצה פיה br
43 vnumber="43"> מי-חכם וישמר-אלה ויתבוננו חסדי יהוה
art="x-p"/>