1 vnumber="1"> css="font-weight:bold"> א שמעו דבר יהוה בני ישראל כי ריב ליהוה עם יושבי הארץ--כי אין אמת ואין חסד ואין דעת אלהים בארץ
2 vnumber="2"> css="font-weight:bold"> ב אלה וכחש ורצח וגנב ונאף פרצו ודמים בדמים נגעו
3 vnumber="3"> css="font-weight:bold"> ג על כן תאבל הארץ ואמלל כל יושב בה בחית השדה ובעוף השמים וגם דגי הים יאספו
4 vnumber="4"> css="font-weight:bold"> ד אך איש אל ירב ואל יוכח איש ועמך כמריבי כהן
5 vnumber="5"> css="font-weight:bold"> ה וכשלת היום וכשל גם נביא עמך לילה ודמיתי אמך
6 vnumber="6"> css="font-weight:bold"> ו נדמו עמי מבלי הדעת כי אתה הדעת מאסת ואמאסאך (ואמאסך) מכהן לי ותשכח תורת אלהיך אשכח בניך גם אני
7 vnumber="7"> css="font-weight:bold"> ז כרבם כן חטאו לי כבודם בקלון אמיר
8 vnumber="8"> css="font-weight:bold"> ח חטאת עמי יאכלו ואל עונם ישאו נפשו
9 vnumber="9"> css="font-weight:bold"> ט והיה כעם ככהן ופקדתי עליו דרכיו ומעלליו אשיב לו
10 vnumber="10"> css="font-weight:bold"> י ואכלו ולא ישבעו הזנו ולא יפרצו כי את יהוה עזבו לשמר
11 vnumber="11"> css="font-weight:bold"> יא זנות ויין ותירוש יקח לב
12 vnumber="12"> css="font-weight:bold"> יב עמי בעצו ישאל ומקלו יגיד לו כי רוח זנונים התעה ויזנו מתחת אלהיהם
13 vnumber="13"> css="font-weight:bold"> יג על ראשי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנה
14 vnumber="14"> css="font-weight:bold"> יד לא אפקוד על בנותיכם כי תזנינה ועל כלותיכם כי תנאפנה--כי הם עם הזנות יפרדו ועם הקדשות יזבחו ועם לא יבין ילבט
15 vnumber="15"> css="font-weight:bold"> טו אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוה
16 vnumber="16"> css="font-weight:bold"> טז כי כפרה סררה סרר ישראל עתה ירעם יהוה ככבש במרחב
17 vnumber="17"> css="font-weight:bold"> יז חבור עצבים אפרים הנח לו
18 vnumber="18"> css="font-weight:bold"> יח סר סבאם הזנה הזנו אהבו הבו קלון מגניה
19 vnumber="19"> css="font-weight:bold"> יט צרר רוח אותה בכנפיה ויבשו מזבחותם {פ} art="x-p"/>