1 vnumber="1"> css="font-weight:bold"> א ויהי איש אחד מן הרמתים צופים--מהר אפרים ושמו אלקנה בן ירחם בן אליהוא בן תחו בן צוף--אפרתי
2 vnumber="2"> css="font-weight:bold"> ב ולו שתי נשים--שם אחת חנה ושם השנית פננה ויהי לפננה ילדים ולחנה אין ילדים
3 vnumber="3"> css="font-weight:bold"> ג ועלה האיש ההוא מעירו מימים ימימה להשתחות ולזבח ליהוה צבאות בשלה ושם שני בני עלי חפני ופנחס כהנים ליהוה
4 vnumber="4"> css="font-weight:bold"> ד ויהי היום ויזבח אלקנה ונתן לפננה אשתו ולכל בניה ובנותיה--מנות
5 vnumber="5"> css="font-weight:bold"> ה ולחנה יתן מנה אחת אפים כי את חנה אהב ויהוה סגר רחמה
6 vnumber="6"> css="font-weight:bold"> ו וכעסתה צרתה גם כעס בעבור הרעמה כי סגר יהוה בעד רחמה
7 vnumber="7"> css="font-weight:bold"> ז וכן יעשה שנה בשנה מדי עלתה בבית יהוה--כן תכעסנה ותבכה ולא תאכל
8 vnumber="8"> css="font-weight:bold"> ח ויאמר לה אלקנה אישה חנה למה תבכי ולמה לא תאכלי ולמה ירע לבבך הלוא אנכי טוב לך מעשרה בנים
9 vnumber="9"> css="font-weight:bold"> ט ותקם חנה אחרי אכלה בשלה ואחרי שתה ועלי הכהן ישב על הכסא על מזוזת היכל יהוה
10 vnumber="10"> css="font-weight:bold"> י והיא מרת נפש ותתפלל על יהוה ובכה תבכה
11 vnumber="11"> css="font-weight:bold"> יא ותדר נדר ותאמר יהוה צבאות אם ראה תראה בעני אמתך וזכרתני ולא תשכח את אמתך ונתתה לאמתך זרע אנשים--ונתתיו ליהוה כל ימי חייו ומורה לא יעלה על ראשו
12 vnumber="12"> css="font-weight:bold"> יב והיה כי הרבתה להתפלל לפני יהוה ועלי שמר את פיה
13 vnumber="13"> css="font-weight:bold"> יג וחנה היא מדברת על לבה--רק שפתיה נעות וקולה לא ישמע ויחשבה עלי לשכרה
14 vnumber="14"> css="font-weight:bold"> יד ויאמר אליה עלי עד מתי תשתכרין הסירי את יינך מעליך
15 vnumber="15"> css="font-weight:bold"> טו ותען חנה ותאמר לא אדני אשה קשת רוח אנכי ויין ושכר לא שתיתי ואשפך את נפשי לפני יהוה
16 vnumber="16"> css="font-weight:bold"> טז אל תתן את אמתך לפני בת בליעל כי מרב שיחי וכעסי דברתי עד הנה
17 vnumber="17"> css="font-weight:bold"> יז ויען עלי ויאמר לכי לשלום ואלהי ישראל יתן את שלתך אשר שאלת מעמו
18 vnumber="18"> css="font-weight:bold"> יח ותאמר תמצא שפחתך חן בעיניך ותלך האשה לדרכה ותאכל ופניה לא היו לה עוד
19 vnumber="19"> css="font-weight:bold"> יט וישכמו בבקר וישתחוו לפני יהוה וישבו ויבאו אל ביתם הרמתה וידע אלקנה את חנה אשתו ויזכרה יהוה
20 vnumber="20"> css="font-weight:bold"> כ ויהי לתקפות הימים ותהר חנה ותלד בן ותקרא את שמו שמואל כי מיהוה שאלתיו
21 vnumber="21"> css="font-weight:bold"> כא ויעל האיש אלקנה וכל ביתו לזבח ליהוה את זבח הימים ואת נדרו
22 vnumber="22"> css="font-weight:bold"> כב וחנה לא עלתה כי אמרה לאישה עד יגמל הנער והבאתיו ונראה את פני יהוה וישב שם עד עולם
23 vnumber="23"> css="font-weight:bold"> כג ויאמר לה אלקנה אישה עשי הטוב בעיניך שבי עד גמלך אתו--אך יקם יהוה את דברו ותשב האשה ותינק את בנה עד גמלה אתו
24 vnumber="24"> css="font-weight:bold"> כד ותעלהו עמה כאשר גמלתו בפרים שלשה ואיפה אחת קמח ונבל יין ותבאהו בית יהוה שלו והנער נער
25 vnumber="25"> css="font-weight:bold"> כה וישחטו את הפר ויבאו את הנער אל עלי
26 vnumber="26"> css="font-weight:bold"> כו ותאמר בי אדני חי נפשך אדני אני האשה הנצבת עמכה בזה להתפלל אל יהוה
27 vnumber="27"> css="font-weight:bold"> כז אל הנער הזה התפללתי ויתן יהוה לי את שאלתי אשר שאלתי מעמו
28 vnumber="28"> css="font-weight:bold"> כח וגם אנכי השאלתהו ליהוה כל הימים אשר היה הוא שאול ליהוה וישתחו שם ליהוה {ס} art="x-p"/>