1 vnumber="1"> וזאת המצוה החקים והמשפטים אשר צוה יהוה אלהיכם ללמד אתכם--לעשות בארץ אשר אתם עברים שמה לרשתה
2 vnumber="2"> למען תירא את יהוה אלהיך לשמר את כל חקתיו ומצותיו אשר אנכי מצוך אתה ובנך ובן בנך כל ימי חייך--ולמען יארכן ימיך
3 vnumber="3"> ושמעת ישראל ושמרת לעשות אשר ייטב לך ואשר תרבון מאד כאשר דבר יהוה אלהי אבתיך לך--ארץ זבת חלב ודבש {פ}
art="x-p"/>
4 vnumber="4"> שמ big ע /big ישראל יהוה אלהינו יהוה אח big ד /big
5 vnumber="5"> ואהבת את יהוה אלהיך בכל לבבך ובכל נפשך ובכל מאדך
6 vnumber="6"> והיו הדברים האלה אשר אנכי מצוך היום--על לבבך
7 vnumber="7"> ושננתם לבניך ודברת בם בשבתך בביתך ובלכתך בדרך ובשכבך ובקומך
8 vnumber="8"> וקשרתם לאות על ידך והיו לטטפת בין עיניך
9 vnumber="9"> וכתבתם על מזזות ביתך ובשעריך {ס}
art="x-p"/>
10 vnumber="10"> והיה כי יביאך יהוה אלהיך אל הארץ אשר נשבע לאבתיך לאברהם ליצחק וליעקב--לתת לך ערים גדלת וטבת אשר לא בנית
11 vnumber="11"> ובתים מלאים כל טוב אשר לא מלאת וברת חצובים אשר לא חצבת כרמים וזיתים אשר לא נטעת ואכלת ושבעת
12 vnumber="12"> השמר לך פן תשכח את יהוה אשר הוציאך מארץ מצרים מבית עבדים
13 vnumber="13"> את יהוה אלהיך תירא ואתו תעבד ובשמו תשבע
14 vnumber="14"> לא תלכון אחרי אלהים אחרים--מאלהי העמים אשר סביבותיכם
15 vnumber="15"> כי אל קנא יהוה אלהיך בקרבך פן יחרה אף יהוה אלהיך בך והשמידך מעל פני האדמה {ס}
art="x-p"/>
16 vnumber="16"> לא תנסו את יהוה אלהיכם כאשר נסיתם במסה
17 vnumber="17"> שמור תשמרון את מצות יהוה אלהיכם ועדתיו וחקיו אשר צוך
18 vnumber="18"> ועשית הישר והטוב בעיני יהוה--למען ייטב לך ובאת וירשת את הארץ הטבה אשר נשבע יהוה לאבתיך
19 vnumber="19"> להדף את כל איביך מפניך כאשר דבר יהוה {ס}
art="x-p"/>
20 vnumber="20"> כי ישאלך בנך מחר לאמר מה העדת והחקים והמשפטים אשר צוה יהוה אלהינו אתכם
21 vnumber="21"> ואמרת לבנך עבדים היינו לפרעה במצרים ויציאנו יהוה ממצרים ביד חזקה
22 vnumber="22"> ויתן יהוה אותת ומפתים גדלים ורעים במצרים בפרעה ובכל ביתו--לעינינו
23 vnumber="23"> ואותנו הוציא משם--למען הביא אתנו לתת לנו את הארץ אשר נשבע לאבתינו
24 vnumber="24"> ויצונו יהוה לעשות את כל החקים האלה ליראה את יהוה אלהינו--לטוב לנו כל הימים לחיתנו כהיום הזה
25 vnumber="25"> וצדקה תהיה לנו כי נשמר לעשות את כל המצוה הזאת לפני יהוה אלהינו--כאשר צונו {ס}
art="x-p"/>