1 vnumber="1"> css="font-weight:bold"> א והרעב כבד בארץ
2 vnumber="2"> css="font-weight:bold"> ב ויהי כאשר כלו לאכל את השבר אשר הביאו ממצרים ויאמר אליהם אביהם שבו שברו לנו מעט אכל
3 vnumber="3"> css="font-weight:bold"> ג ויאמר אליו יהודה לאמר העד העד בנו האיש לאמר לא תראו פני בלתי אחיכם אתכם
4 vnumber="4"> css="font-weight:bold"> ד אם ישך משלח את אחינו אתנו--נרדה ונשברה לך אכל
5 vnumber="5"> css="font-weight:bold"> ה ואם אינך משלח לא נרד כי האיש אמר אלינו לא תראו פני בלתי אחיכם אתכם
6 vnumber="6"> css="font-weight:bold"> ו ויאמר ישראל למה הרעתם לי--להגיד לאיש העוד לכם אח
7 vnumber="7"> css="font-weight:bold"> ז ויאמרו שאול שאל האיש לנו ולמולדתנו לאמר העוד אביכם חי היש לכם אח ונגד לו על פי הדברים האלה הידוע נדע--כי יאמר הורידו את אחיכם
8 vnumber="8"> css="font-weight:bold"> ח ויאמר יהודה אל ישראל אביו שלחה הנער אתי--ונקומה ונלכה ונחיה ולא נמות גם אנחנו גם אתה גם טפנו
9 vnumber="9"> css="font-weight:bold"> ט אנכי אערבנו--מידי תבקשנו אם לא הביאתיו אליך והצגתיו לפניך וחטאתי לך כל הימים
10 vnumber="10"> css="font-weight:bold"> י כי לולא התמהמהנו--כי עתה שבנו זה פעמים
11 vnumber="11"> css="font-weight:bold"> יא ויאמר אלהם ישראל אביהם אם כן אפוא זאת עשו--קחו מזמרת הארץ בכליכם והורידו לאיש מנחה מעט צרי ומעט דבש נכאת ולט בטנים ושקדים
12 vnumber="12"> css="font-weight:bold"> יב וכסף משנה קחו בידכם ואת הכסף המושב בפי אמתחתיכם תשיבו בידכם--אולי משגה הוא
13 vnumber="13"> css="font-weight:bold"> יג ואת אחיכם קחו וקומו שובו אל האיש
14 vnumber="14"> css="font-weight:bold"> יד ואל שדי יתן לכם רחמים לפני האיש ושלח לכם את אחיכם אחר ואת בנימין ואני כאשר שכלתי שכלתי
15 vnumber="15"> css="font-weight:bold"> טו ויקחו האנשים את המנחה הזאת ומשנה כסף לקחו בידם ואת בנימן ויקמו וירדו מצרים ויעמדו לפני יוסף
16 vnumber="16"> css="font-weight:bold"> טז וירא יוסף אתם את בנימין ויאמר לאשר על ביתו הבא את האנשים הביתה וטבח טבח והכן כי אתי יאכלו האנשים בצהרים
17 vnumber="17"> css="font-weight:bold"> יז ויעש האיש כאשר אמר יוסף ויבא האיש את האנשים ביתה יוסף
18 vnumber="18"> css="font-weight:bold"> יח וייראו האנשים כי הובאו בית יוסף ויאמרו על דבר הכסף השב באמתחתינו בתחלה אנחנו מובאים--להתגלל עלינו ולהתנפל עלינו ולקחת אתנו לעבדים ואת חמרינו
19 vnumber="19"> css="font-weight:bold"> יט ויגשו אל האיש אשר על בית יוסף וידברו אליו פתח הבית
20 vnumber="20"> css="font-weight:bold"> כ ויאמרו בי אדני ירד ירדנו בתחלה לשבר אכל
21 vnumber="21"> css="font-weight:bold"> כא ויהי כי באנו אל המלון ונפתחה את אמתחתינו והנה כסף איש בפי אמתחתו כספנו במשקלו ונשב אתו בידנו
22 vnumber="22"> css="font-weight:bold"> כב וכסף אחר הורדנו בידנו לשבר אכל לא ידענו מי שם כספנו באמתחתינו
23 vnumber="23"> css="font-weight:bold"> כג ויאמר שלום לכם אל תיראו אלהיכם ואלהי אביכם נתן לכם מטמון באמתחתיכם--כספכם בא אלי ויוצא אלהם את שמעון
24 vnumber="24"> css="font-weight:bold"> כד ויבא האיש את האנשים ביתה יוסף ויתן מים וירחצו רגליהם ויתן מספוא לחמריהם
25 vnumber="25"> css="font-weight:bold"> כה ויכינו את המנחה עד בוא יוסף בצהרים כי שמעו כי שם יאכלו לחם
26 vnumber="26"> css="font-weight:bold"> כו ויבא יוסף הביתה ויביאו לו את המנחה אשר בידם הביתה וישתחוו לו ארצה
27 vnumber="27"> css="font-weight:bold"> כז וישאל להם לשלום ויאמר השלום אביכם הזקן אשר אמרתם--העודנו חי
28 vnumber="28"> css="font-weight:bold"> כח ויאמרו שלום לעבדך לאבינו--עודנו חי ויקדו וישתחו (וישתחוו)
29 vnumber="29"> css="font-weight:bold"> כט וישא עיניו וירא את בנימין אחיו בן אמו ויאמר הזה אחיכם הקטן אשר אמרתם אלי ויאמר אלהים יחנך בני
30 vnumber="30"> css="font-weight:bold"> ל וימהר יוסף כי נכמרו רחמיו אל אחיו ויבקש לבכות ויבא החדרה ויבך שמה
31 vnumber="31"> css="font-weight:bold"> לא וירחץ פניו ויצא ויתאפק--ויאמר שימו לחם
32 vnumber="32"> css="font-weight:bold"> לב וישימו לו לבדו ולהם לבדם ולמצרים האכלים אתו לבדם--כי לא יוכלון המצרים לאכל את העברים לחם כי תועבה הוא למצרים
33 vnumber="33"> css="font-weight:bold"> לג וישבו לפניו--הבכר כבכרתו והצעיר כצערתו ויתמהו האנשים איש אל רעהו
34 vnumber="34"> css="font-weight:bold"> לד וישא משאת מאת פניו אלהם ותרב משאת בנימן ממשאת כלם חמש ידות וישתו וישכרו עמו art="x-p"/>