1 vnumber="1"> שמעו את הדבר אשר דבר יהוה עליכם--בית ישראל
2 vnumber="2"> כה אמר יהוה אל דרך הגוים אל תלמדו ומאתות השמים אל תחתו כי יחתו הגוים מהמה
3 vnumber="3"> כי חקות העמים הבל הוא כי עץ מיער כרתו מעשה ידי חרש במעצד
4 vnumber="4"> בכסף ובזהב ייפהו במסמרות ובמקבות יחזקום ולוא יפיק
5 vnumber="5"> כתמר מקשה המה ולא ידברו נשוא ינשוא כי לא יצעדו אל תיראו מהם כי לא ירעו וגם היטיב אין אותם {פ}
art="x-p"/>
6 vnumber="6"> מאין כמוך יהוה גדול אתה וגדול שמך בגבורה
7 vnumber="7"> מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך
8 vnumber="8"> ובאחת יבערו ויכסלו מוסר הבלים עץ הוא
9 vnumber="9"> כסף מרקע מתרשיש יובא וזהב מאופז--מעשה חרש וידי צורף תכלת וארגמן לבושם מעשה חכמים כלם
10 vnumber="10"> ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו {פ}
art="x-p"/>
11 vnumber="11"> כדנה תאמרון להום אלהיא די שמיא וארקא לא עבדו יאבדו מארעא ומן תחות שמיא אלה {ס}
art="x-p"/>
12 vnumber="12"> עשה ארץ בכחו מכין תבל בחכמתו ובתבונתו נטה שמים
13 vnumber="13"> לקול תתו המון מים בשמים ויעלה נשאים מקצה ארץ (הארץ) ברקים למטר עשה ויוצא רוח מאצרתיו
14 vnumber="14"> נבער כל אדם מדעת הביש כל צורף מפסל כי שקר נסכו ולא רוח בם
15 vnumber="15"> הבל המה מעשה תעתעים בעת פקדתם יאבדו
16 vnumber="16"> לא כאלה חלק יעקב כי יוצר הכל הוא וישראל שבט נחלתו יהוה צבאות שמו {ס}
art="x-p"/>
17 vnumber="17"> אספי מארץ כנעתך--ישבתי (ישבת) במצור {ס}
art="x-p"/>
18 vnumber="18"> כי כה אמר יהוה הנני קולע את יושבי הארץ בפעם הזאת והצרתי להם למען ימצאו {ס}
art="x-p"/>
19 vnumber="19"> אוי לי על שברי נחלה מכתי ואני אמרתי אך זה חלי ואשאנו
20 vnumber="20"> אהלי שדד וכל מיתרי נתקו בני יצאני ואינם--אין נטה עוד אהלי ומקים יריעותי
21 vnumber="21"> כי נבערו הרעים ואת יהוה לא דרשו על כן לא השכילו וכל מרעיתם נפוצה {פ}
art="x-p"/>
22 vnumber="22"> קול שמועה הנה באה ורעש גדול מארץ צפון לשום את ערי יהודה שממה--מעון תנים {ס}
art="x-p"/>
23 vnumber="23"> ידעתי יהוה כי לא לאדם דרכו לא לאיש הלך והכין את צעדו
24 vnumber="24"> יסרני יהוה אך במשפט אל באפך פן תמעטני
25 vnumber="25"> שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו {פ}
art="x-p"/>