1 vnumber="1"> css="font-weight:bold"> א כה אמר יהוה הנני מעיר על בבל ואל ישבי לב קמי--רוח משחית
2 vnumber="2"> css="font-weight:bold"> ב ושלחתי לבבל זרים וזרוה ויבקקו את ארצה כי היו עליה מסביב ביום רעה
3 vnumber="3"> css="font-weight:bold"> ג אל ידרך ידרך ( ) הדרך קשתו ואל יתעל בסרינו ואל תחמלו אל בחריה--החרימו כל צבאה
4 vnumber="4"> css="font-weight:bold"> ד ונפלו חללים בארץ כשדים ומדקרים בחוצותיה
5 vnumber="5"> css="font-weight:bold"> ה כי לא אלמן ישראל ויהודה מאלהיו--מיהוה צבאות כי ארצם מלאה אשם מקדוש ישראל
6 vnumber="6"> css="font-weight:bold"> ו נסו מתוך בבל ומלטו איש נפשו--אל תדמו בעונה כי עת נקמה היא ליהוה--גמול הוא משלם לה
7 vnumber="7"> css="font-weight:bold"> ז כוס זהב בבל ביד יהוה--משכרת כל הארץ מיינה שתו גוים על כן יתהללו גוים
8 vnumber="8"> css="font-weight:bold"> ח פתאם נפלה בבל ותשבר הילילו עליה קחו צרי למכאובה--אולי תרפא
9 vnumber="9"> css="font-weight:bold"> ט רפאנו את בבל ולא נרפתה--עזבוה ונלך איש לארצו כי נגע אל השמים משפטה ונשא עד שחקים
10 vnumber="10"> css="font-weight:bold"> י הוציא יהוה את צדקתינו באו ונספרה בציון את מעשה יהוה אלהינו {ס} art="x-p"/>
11 vnumber="11"> css="font-weight:bold"> יא הברו החצים מלאו השלטים--העיר יהוה את רוח מלכי מדי כי על בבל מזמתו להשחיתה כי נקמת יהוה היא נקמת היכלו
12 vnumber="12"> css="font-weight:bold"> יב אל חומת בבל שאו נס החזיקו המשמר--הקימו שמרים הכינו הארבים כי גם זמם יהוה--גם עשה את אשר דבר אל ישבי בבל
13 vnumber="13"> css="font-weight:bold"> יג שכנתי (שכנת) על מים רבים רבת אוצרת בא קצך אמת בצעך
14 vnumber="14"> css="font-weight:bold"> יד נשבע יהוה צבאות בנפשו כי אם מלאתיך אדם כילק וענו עליך הידד {ס} art="x-p"/>
15 vnumber="15"> css="font-weight:bold"> טו עשה ארץ בכחו מכין תבל בחכמתו ובתבונתו נטה שמים
16 vnumber="16"> css="font-weight:bold"> טז לקול תתו המון מים בשמים ויעל נשאים מקצה ארץ ברקים למטר עשה ויוצא רוח מאצרתיו
17 vnumber="17"> css="font-weight:bold"> יז נבער כל אדם מדעת הביש כל צרף מפסל כי שקר נסכו ולא רוח בם
18 vnumber="18"> css="font-weight:bold"> יח הבל המה מעשה תעתעים בעת פקדתם יאבדו
19 vnumber="19"> css="font-weight:bold"> יט לא כאלה חלק יעקוב כי יוצר הכל הוא--ושבט נחלתו יהוה צבאות שמו {פ} art="x-p"/>
20 vnumber="20"> css="font-weight:bold"> כ מפץ אתה לי כלי מלחמה ונפצתי בך גוים והשחתי בך ממלכות
21 vnumber="21"> css="font-weight:bold"> כא ונפצתי בך סוס ורכבו ונפצתי בך רכב ורכבו
22 vnumber="22"> css="font-weight:bold"> כב ונפצתי בך איש ואשה ונפצתי בך זקן ונער ונפצתי בך בחור ובתולה
23 vnumber="23"> css="font-weight:bold"> כג ונפצתי בך רעה ועדרו ונפצתי בך אכר וצמדו ונפצתי בך פחות וסגנים
24 vnumber="24"> css="font-weight:bold"> כד ושלמתי לבבל ולכל יושבי כשדים את כל רעתם אשר עשו בציון--לעיניכם נאם יהוה {ס} art="x-p"/>
25 vnumber="25"> css="font-weight:bold"> כה הנני אליך הר המשחית נאם יהוה המשחית את כל הארץ ונטיתי את ידי עליך וגלגלתיך מן הסלעים ונתתיך להר שרפה
26 vnumber="26"> css="font-weight:bold"> כו ולא יקחו ממך אבן לפנה ואבן למוסדות כי שממות עולם תהיה נאם יהוה
27 vnumber="27"> css="font-weight:bold"> כז שאו נס בארץ תקעו שופר בגוים קדשו עליה גוים--השמיעו עליה ממלכות אררט מני ואשכנז פקדו עליה טפסר העלו סוס כילק סמר
28 vnumber="28"> css="font-weight:bold"> כח קדשו עליה גוים את מלכי מדי את פחותיה ואת כל סגניה ואת כל ארץ ממשלתו
29 vnumber="29"> css="font-weight:bold"> כט ותרעש הארץ ותחל כי קמה על בבל מחשבות יהוה לשום את ארץ בבל לשמה מאין יושב
30 vnumber="30"> css="font-weight:bold"> ל חדלו גבורי בבל להלחם ישבו במצדות--נשתה גבורתם היו לנשים הציתו משכנתיה נשברו בריחיה
31 vnumber="31"> css="font-weight:bold"> לא רץ לקראת רץ ירוץ ומגיד לקראת מגיד--להגיד למלך בבל כי נלכדה עירו מקצה
32 vnumber="32"> css="font-weight:bold"> לב והמעברות נתפשו ואת האגמים שרפו באש ואנשי המלחמה נבהלו {ס} art="x-p"/>
33 vnumber="33"> css="font-weight:bold"> לג כי כה אמר יהוה צבאות אלהי ישראל בת בבל כגרן עת הדריכה עוד מעט ובאה עת הקציר לה
34 vnumber="34"> css="font-weight:bold"> לד אכלנו (אכלני) הממנו (הממני) נבוכדראצר מלך בבל הציגנו (הציגני) כלי ריק בלענו (בלעני) כתנין מלא כרשו מעדני הדיחנו (הדיחני)
35 vnumber="35"> css="font-weight:bold"> לה חמסי ושארי על בבל תאמר ישבת ציון ודמי אל ישבי כשדים תאמר ירושלם {ס} art="x-p"/>
36 vnumber="36"> css="font-weight:bold"> לו לכן כה אמר יהוה הנני רב את ריבך ונקמתי את נקמתך והחרבתי את ימה והבשתי את מקורה
37 vnumber="37"> css="font-weight:bold"> לז והיתה בבל לגלים מעון תנים שמה ושרקה מאין יושב
38 vnumber="38"> css="font-weight:bold"> לח יחדו ככפרים ישאגו נערו כגורי אריות
39 vnumber="39"> css="font-weight:bold"> לט בחמם אשית את משתיהם והשכרתים למען יעלזו וישנו שנת עולם ולא יקיצו--נאם יהוה
40 vnumber="40"> css="font-weight:bold"> מ אורידם ככרים לטבוח--כאילים עם עתודים
41 vnumber="41"> css="font-weight:bold"> מא איך נלכדה ששך ותתפש תהלת כל הארץ איך היתה לשמה בבל בגוים
42 vnumber="42"> css="font-weight:bold"> מב עלה על בבל הים בהמון גליו נכסתה
43 vnumber="43"> css="font-weight:bold"> מג היו עריה לשמה ארץ ציה וערבה ארץ לא ישב בהן כל איש ולא יעבר בהן בן אדם
44 vnumber="44"> css="font-weight:bold"> מד ופקדתי על בל בבבל והצאתי את בלעו מפיו ולא ינהרו אליו עוד גוים גם חומת בבל נפלה
45 vnumber="45"> css="font-weight:bold"> מה צאו מתוכה עמי ומלטו איש את נפשו--מחרון אף יהוה
46 vnumber="46"> css="font-weight:bold"> מו ופן ירך לבבכם ותיראו בשמועה הנשמעת בארץ ובא בשנה השמועה ואחריו בשנה השמועה וחמס בארץ ומשל על משל
47 vnumber="47"> css="font-weight:bold"> מז לכן הנה ימים באים ופקדתי על פסילי בבל וכל ארצה תבוש וכל חלליה יפלו בתוכה
48 vnumber="48"> css="font-weight:bold"> מח ורננו על בבל שמים וארץ וכל אשר בהם כי מצפון יבוא לה השודדים נאם יהוה
49 vnumber="49"> css="font-weight:bold"> מט גם בבל לנפל חללי ישראל גם לבבל נפלו חללי כל הארץ
50 vnumber="50"> css="font-weight:bold"> נ פלטים מחרב הלכו אל תעמדו זכרו מרחוק את יהוה וירושלם תעלה על לבבכם
51 vnumber="51"> css="font-weight:bold"> נא בשנו כי שמענו חרפה כסתה כלמה פנינו כי באו זרים על מקדשי בית יהוה {פ} art="x-p"/>
52 vnumber="52"> css="font-weight:bold"> נב לכן הנה ימים באים נאם יהוה ופקדתי על פסיליה ובכל ארצה יאנק חלל
53 vnumber="53"> css="font-weight:bold"> נג כי תעלה בבל השמים וכי תבצר מרום עזה מאתי יבאו שדדים לה--נאם יהוה {ס} art="x-p"/>
54 vnumber="54"> css="font-weight:bold"> נד קול זעקה מבבל ושבר גדול מארץ כשדים
55 vnumber="55"> css="font-weight:bold"> נה כי שדד יהוה את בבל ואבד ממנה קול גדול והמו גליהם כמים רבים נתן שאון קולם
56 vnumber="56"> css="font-weight:bold"> נו כי בא עליה על בבל שודד ונלכדו גבוריה חתתה קשתותם כי אל גמלות יהוה שלם ישלם
57 vnumber="57"> css="font-weight:bold"> נז והשכרתי שריה וחכמיה פחותיה וסגניה וגבוריה וישנו שנת עולם ולא יקיצו נאם המלך--יהוה צבאות שמו {ס} art="x-p"/>
58 vnumber="58"> css="font-weight:bold"> נח כה אמר יהוה צבאות חמות בבל הרחבה ערער תתערער ושעריה הגבהים באש יצתו ויגעו עמים בדי ריק ולאמים בדי אש ויעפו {ס} art="x-p"/>
59 vnumber="59"> css="font-weight:bold"> נט הדבר אשר צוה ירמיהו הנביא את שריה בן נריה בן מחסיה בלכתו את צדקיהו מלך יהודה בבל בשנת הרבעית למלכו ושריה שר מנוחה
60 vnumber="60"> css="font-weight:bold"> ס ויכתב ירמיהו את כל הרעה אשר תבוא אל בבל--אל ספר אחד את כל הדברים האלה הכתבים אל בבל
61 vnumber="61"> css="font-weight:bold"> סא ויאמר ירמיהו אל שריה כבאך בבל--וראית וקראת את כל הדברים האלה
62 vnumber="62"> css="font-weight:bold"> סב ואמרת יהוה אתה דברת אל המקום הזה להכריתו לבלתי היות בו יושב למאדם ועד בהמה כי שממות עולם תהיה
63 vnumber="63"> css="font-weight:bold"> סג והיה ככלתך לקרא את הספר הזה תקשר עליו אבן והשלכתו אל תוך פרת
64 vnumber="64"> css="font-weight:bold"> סד ואמרת ככה תשקע בבל ולא תקום מפני הרעה אשר אנכי מביא עליה--ויעפו עד הנה דברי ירמיהו {פ} art="x-p"/>