1 vnumber="1"> css="font-weight:bold"> א ויצאו כל בני ישראל ותקהל העדה כאיש אחד למדן ועד באר שבע וארץ הגלעד--אל יהוה המצפה
2 vnumber="2"> css="font-weight:bold"> ב ויתיצבו פנות כל העם כל שבטי ישראל--בקהל עם האלהים ארבע מאות אלף איש רגלי שלף חרב {פ} art="x-p"/>
3 vnumber="3"> css="font-weight:bold"> ג וישמעו בני בנימן כי עלו בני ישראל המצפה ויאמרו בני ישראל דברו איכה נהיתה הרעה הזאת
4 vnumber="4"> css="font-weight:bold"> ד ויען האיש הלוי איש האשה הנרצחה--ויאמר הגבעתה אשר לבנימן באתי אני ופילגשי ללון
5 vnumber="5"> css="font-weight:bold"> ה ויקמו עלי בעלי הגבעה ויסבו עלי את הבית לילה אותי דמו להרג ואת פילגשי ענו ותמת
6 vnumber="6"> css="font-weight:bold"> ו ואחז בפילגשי ואנתחה ואשלחה בכל שדה נחלת ישראל כי עשו זמה ונבלה בישראל
7 vnumber="7"> css="font-weight:bold"> ז הנה כלכם בני ישראל--הבו לכם דבר ועצה הלם
8 vnumber="8"> css="font-weight:bold"> ח ויקם כל העם כאיש אחד לאמר לא נלך איש לאהלו ולא נסור איש לביתו
9 vnumber="9"> css="font-weight:bold"> ט ועתה--זה הדבר אשר נעשה לגבעה עליה בגורל
10 vnumber="10"> css="font-weight:bold"> י ולקחנו עשרה אנשים למאה לכל שבטי ישראל ומאה לאלף ואלף לרבבה לקחת צדה לעם--לעשות לבואם לגבע בנימן ככל הנבלה אשר עשה בישראל
11 vnumber="11"> css="font-weight:bold"> יא ויאסף כל איש ישראל אל העיר כאיש אחד חברים {פ} art="x-p"/>
12 vnumber="12"> css="font-weight:bold"> יב וישלחו שבטי ישראל אנשים בכל שבטי בנימן לאמר מה הרעה הזאת אשר נהיתה בכם
13 vnumber="13"> css="font-weight:bold"> יג ועתה תנו את האנשים בני בליעל אשר בגבעה ונמיתם ונבערה רעה מישראל ולא אבו (בני) בנימן לשמע בקול אחיהם בני ישראל
14 vnumber="14"> css="font-weight:bold"> יד ויאספו בני בנימן מן הערים הגבעתה לצאת למלחמה עם בני ישראל
15 vnumber="15"> css="font-weight:bold"> טו ויתפקדו בני בנימן ביום ההוא מהערים עשרים וששה אלף איש שלף חרב--לבד מישבי הגבעה התפקדו שבע מאות איש בחור
16 vnumber="16"> css="font-weight:bold"> טז מכל העם הזה שבע מאות איש בחור אטר יד ימינו כל זה קלע באבן אל השערה--ולא יחטא {פ} art="x-p"/>
17 vnumber="17"> css="font-weight:bold"> יז ואיש ישראל התפקדו לבד מבנימן ארבע מאות אלף איש שלף חרב כל זה איש מלחמה
18 vnumber="18"> css="font-weight:bold"> יח ויקמו ויעלו בית אל וישאלו באלהים ויאמרו בני ישראל מי יעלה לנו בתחלה למלחמה עם בני בנימן ויאמר יהוה יהודה בתחלה
19 vnumber="19"> css="font-weight:bold"> יט ויקומו בני ישראל בבקר ויחנו על הגבעה
20 vnumber="20"> css="font-weight:bold"> כ ויצא איש ישראל למלחמה עם בנימן ויערכו אתם איש ישראל מלחמה אל הגבעה
21 vnumber="21"> css="font-weight:bold"> כא ויצאו בני בנימן מן הגבעה וישחיתו בישראל ביום ההוא שנים ועשרים אלף איש--ארצה
22 vnumber="22"> css="font-weight:bold"> כב ויתחזק העם איש ישראל ויספו לערך מלחמה במקום אשר ערכו שם ביום הראשון
23 vnumber="23"> css="font-weight:bold"> כג ויעלו בני ישראל ויבכו לפני יהוה עד הערב וישאלו ביהוה לאמר האוסיף לגשת למלחמה עם בני בנימן אחי ויאמר יהוה עלו אליו {פ} art="x-p"/>
24 vnumber="24"> css="font-weight:bold"> כד ויקרבו בני ישראל אל בני בנימן ביום השני
25 vnumber="25"> css="font-weight:bold"> כה ויצא בנימן לקראתם מן הגבעה ביום השני וישחיתו בבני ישראל עוד שמנת עשר אלף איש ארצה כל אלה שלפי חרב
26 vnumber="26"> css="font-weight:bold"> כו ויעלו כל בני ישראל וכל העם ויבאו בית אל ויבכו וישבו שם לפני יהוה ויצומו ביום ההוא עד הערב ויעלו עלות ושלמים לפני יהוה
27 vnumber="27"> css="font-weight:bold"> כז וישאלו בני ישראל ביהוה ושם ארון ברית האלהים בימים ההם
28 vnumber="28"> css="font-weight:bold"> כח ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך
29 vnumber="29"> css="font-weight:bold"> כט וישם ישראל ארבים אל הגבעה סביב {פ} art="x-p"/>
30 vnumber="30"> css="font-weight:bold"> ל ויעלו בני ישראל אל בני בנימן ביום השלישי ויערכו אל הגבעה כפעם בפעם
31 vnumber="31"> css="font-weight:bold"> לא ויצאו בני בנימן לקראת העם הנתקו מן העיר ויחלו להכות מהעם חללים כפעם בפעם במסלות אשר אחת עלה בית אל ואחת גבעתה בשדה כשלשים איש בישראל
32 vnumber="32"> css="font-weight:bold"> לב ויאמרו בני בנימן נגפים הם לפנינו כבראשנה ובני ישראל אמרו ננוסה ונתקנוהו מן העיר אל המסלות
33 vnumber="33"> css="font-weight:bold"> לג וכל איש ישראל קמו ממקומו ויערכו בבעל תמר וארב ישראל מגיח ממקמו ממערה גבע
34 vnumber="34"> css="font-weight:bold"> לד ויבאו מנגד לגבעה עשרת אלפים איש בחור מכל ישראל והמלחמה כבדה והם לא ידעו כי נגעת עליהם הרעה {פ} art="x-p"/>
35 vnumber="35"> css="font-weight:bold"> לה ויגף יהוה את בנימן לפני ישראל וישחיתו בני ישראל בבנימן ביום ההוא עשרים וחמשה אלף ומאה איש כל אלה שלף חרב
36 vnumber="36"> css="font-weight:bold"> לו ויראו בני בנימן כי נגפו ויתנו איש ישראל מקום לבנימן כי בטחו אל הארב אשר שמו אל הגבעה
37 vnumber="37"> css="font-weight:bold"> לז והארב החישו ויפשטו אל הגבעה וימשך הארב ויך את כל העיר לפי חרב
38 vnumber="38"> css="font-weight:bold"> לח והמועד היה לאיש ישראל--עם הארב הרב להעלותם משאת העשן מן העיר
39 vnumber="39"> css="font-weight:bold"> לט ויהפך איש ישראל במלחמה ובנימן החל להכות חללים באיש ישראל כשלשים איש--כי אמרו אך נגוף נגף הוא לפנינו כמלחמה הראשנה
40 vnumber="40"> css="font-weight:bold"> מ והמשאת החלה לעלות מן העיר--עמוד עשן ויפן בנימן אחריו והנה עלה כליל העיר השמימה
41 vnumber="41"> css="font-weight:bold"> מא ואיש ישראל הפך ויבהל איש בנימן כי ראה כי נגעה עליו הרעה
42 vnumber="42"> css="font-weight:bold"> מב ויפנו לפני איש ישראל אל דרך המדבר והמלחמה הדביקתהו ואשר מהערים משחיתים אותו בתוכו
43 vnumber="43"> css="font-weight:bold"> מג כתרו את בנימן הרדיפהו מנוחה הדריכהו עד נכח הגבעה ממזרח שמש
44 vnumber="44"> css="font-weight:bold"> מד ויפלו מבנימן שמנה עשר אלף איש את כל אלה אנשי חיל
45 vnumber="45"> css="font-weight:bold"> מה ויפנו וינסו המדברה אל סלע הרמון ויעללהו במסלות חמשת אלפים איש וידביקו אחריו עד גדעם ויכו ממנו אלפים איש
46 vnumber="46"> css="font-weight:bold"> מו ויהי כל הנפלים מבנימן עשרים וחמשה אלף איש שלף חרב--ביום ההוא את כל אלה אנשי חיל
47 vnumber="47"> css="font-weight:bold"> מז ויפנו וינסו המדברה אל סלע הרמון שש מאות איש וישבו בסלע רמון ארבעה חדשים
48 vnumber="48"> css="font-weight:bold"> מח ואיש ישראל שבו אל בני בנימן ויכום לפי חרב מעיר מתם עד בהמה עד כל הנמצא גם כל הערים הנמצאות שלחו באש {פ} art="x-p"/>