1 vnumber="1"> וישמע הכנעני מלך ערד ישב הנגב כי בא ישראל דרך האתרים וילחם בישראל וישב ממנו שבי
2 vnumber="2"> וידר ישראל נדר ליהוה ויאמר אם נתן תתן את העם הזה בידי--והחרמתי את עריהם
3 vnumber="3"> וישמע יהוה בקול ישראל ויתן את הכנעני ויחרם אתהם ואת עריהם ויקרא שם המקום חרמה {פ}
art="x-p"/>
4 vnumber="4"> ויסעו מהר ההר דרך ים סוף לסבב את ארץ אדום ותקצר נפש העם בדרך
5 vnumber="5"> וידבר העם באלהים ובמשה למה העליתנו ממצרים למות במדבר כי אין לחם ואין מים ונפשנו קצה בלחם הקלקל
6 vnumber="6"> וישלח יהוה בעם את הנחשים השרפים וינשכו את העם וימת עם רב מישראל
7 vnumber="7"> ויבא העם אל משה ויאמרו חטאנו כי דברנו ביהוה ובך--התפלל אל יהוה ויסר מעלינו את הנחש ויתפלל משה בעד העם
8 vnumber="8"> ויאמר יהוה אל משה עשה לך שרף ושים אתו על נס והיה כל הנשוך וראה אתו וחי
9 vnumber="9"> ויעש משה נחש נחשת וישמהו על הנס והיה אם נשך הנחש את איש--והביט אל נחש הנחשת וחי
10 vnumber="10"> ויסעו בני ישראל ויחנו באבת
11 vnumber="11"> ויסעו מאבת ויחנו בעיי העברים במדבר אשר על פני מואב ממזרח השמש
12 vnumber="12"> משם נסעו ויחנו בנחל זרד
13 vnumber="13"> משם נסעו ויחנו מעבר ארנון אשר במדבר היצא מגבל האמרי כי ארנון גבול מואב בין מואב ובין האמרי
14 vnumber="14"> על כן יאמר בספר מלחמת יהוה את והב בסופה ואת הנחלים ארנון
15 vnumber="15"> ואשד הנחלים אשר נטה לשבת ער ונשען לגבול מואב
16 vnumber="16"> ומשם בארה הוא הבאר אשר אמר יהוה למשה אסף את העם ואתנה להם מים {ס}
art="x-p"/>
17 vnumber="17"> אז ישיר ישראל את השירה הזאת עלי באר ענו לה
18 vnumber="18"> באר חפרוה שרים כרוה נדיבי העם במחקק במשענתם וממדבר מתנה
19 vnumber="19"> וממתנה נחליאל ומנחליאל במות
20 vnumber="20"> ומבמות הגיא אשר בשדה מואב--ראש הפסגה ונשקפה על פני הישימן {פ}
art="x-p"/>
21 vnumber="21"> וישלח ישראל מלאכים אל סיחן מלך האמרי לאמר
22 vnumber="22"> אעברה בארצך לא נטה בשדה ובכרם--לא נשתה מי באר בדרך המלך נלך עד אשר נעבר גבלך
23 vnumber="23"> ולא נתן סיחן את ישראל עבר בגבלו ויאסף סיחן את כל עמו ויצא לקראת ישראל המדברה ויבא יהצה וילחם בישראל
24 vnumber="24"> ויכהו ישראל לפי חרב ויירש את ארצו מארנן עד יבק עד בני עמון--כי עז גבול בני עמון
25 vnumber="25"> ויקח ישראל את כל הערים האלה וישב ישראל בכל ערי האמרי בחשבון ובכל בנתיה
26 vnumber="26"> כי חשבון--עיר סיחן מלך האמרי הוא והוא נלחם במלך מואב הראשון ויקח את כל ארצו מידו עד ארנן
27 vnumber="27"> על כן יאמרו המשלים באו חשבון תבנה ותכונן עיר סיחון
28 vnumber="28"> כי אש יצאה מחשבון להבה מקרית סיחן אכלה ער מואב בעלי במות ארנן
29 vnumber="29"> אוי לך מואב אבדת עם כמוש נתן בניו פליטם ובנתיו בשבית למלך אמרי סיחון
30 vnumber="30"> ונירם אבד חשבון עד דיבן ונשים עד נפח אשר עד מידבא
31 vnumber="31"> וישב ישראל בארץ האמרי
32 vnumber="32"> וישלח משה לרגל את יעזר וילכדו בנתיה ויירש (ויורש) את האמרי אשר שם
33 vnumber="33"> ויפנו ויעלו דרך הבשן ויצא עוג מלך הבשן לקראתם הוא וכל עמו למלחמה--אדרעי
34 vnumber="34"> ויאמר יהוה אל משה אל תירא אתו--כי בידך נתתי אתו ואת כל עמו ואת ארצו ועשית לו--כאשר עשית לסיחן מלך האמרי אשר יושב בחשבון
35 vnumber="35"> ויכו אתו ואת בניו ואת כל עמו עד בלתי השאיר לו שריד ויירשו את ארצו
art="x-p"/>