1 vnumber="1"> לא לנו יהוה לא-לנו כי-לשמך תן כבוד--על-חסדך על-אמתך br
2 vnumber="2"> למה יאמרו הגוים איה-נא אלהיהם br
3 vnumber="3"> ואלהינו בשמים-- כל אשר-חפץ עשה br
4 vnumber="4"> עצביהם כסף וזהב מעשה ידי אדם br
5 vnumber="5"> פה-להם ולא ידברו עינים להם ולא יראו br
6 vnumber="6"> אזנים להם ולא ישמעו אף להם ולא יריחון br
7 vnumber="7"> ידיהם ולא ימישון--רגליהם ולא יהלכו לא-יהגו בגרונם br
8 vnumber="8"> כמוהם יהיו עשיהם-- כל אשר-בטח בהם br
9 vnumber="9"> ישראל בטח ביהוה עזרם ומגנם הוא br
10 vnumber="10"> בית אהרן בטחו ביהוה עזרם ומגנם הוא br
11 vnumber="11"> יראי יהוה בטחו ביהוה עזרם ומגנם הוא br
12 vnumber="12"> יהוה זכרנו יברך br יברך את-בית ישראל יברך את-בית אהרן br
13 vnumber="13"> יברך יראי יהוה-- הקטנים עם-הגדלים br
14 vnumber="14"> יסף יהוה עליכם עליכם ועל בניכם br
15 vnumber="15"> ברוכים אתם ליהוה-- עשה שמים וארץ br
16 vnumber="16"> השמים שמים ליהוה והארץ נתן לבני-אדם br
17 vnumber="17"> לא המתים יהללו-יה ולא כל-ירדי דומה br
18 vnumber="18"> ואנחנו נברך יה-- מעתה ועד-עולם br הללו-יה
art="x-p"/>