1 vnumber="1"> css="font-weight:bold"> א ואשב ואשא עיני ואראה והנה ארבע מרכבות יצאות מבין שני ההרים וההרים הרי נחשת
2 vnumber="2"> css="font-weight:bold"> ב במרכבה הראשנה סוסים אדמים ובמרכבה השנית סוסים שחרים
3 vnumber="3"> css="font-weight:bold"> ג ובמרכבה השלשית סוסים לבנים ובמרכבה הרבעית סוסים ברדים אמצים
4 vnumber="4"> css="font-weight:bold"> ד ואען ואמר אל המלאך הדבר בי מה אלה אדני
5 vnumber="5"> css="font-weight:bold"> ה ויען המלאך ויאמר אלי אלה ארבע רוחות השמים יוצאות מהתיצב על אדון כל הארץ
6 vnumber="6"> css="font-weight:bold"> ו אשר בה הסוסים השחרים יצאים אל ארץ צפון והלבנים יצאו אל אחריהם והברדים--יצאו אל ארץ התימן
7 vnumber="7"> css="font-weight:bold"> ז והאמצים יצאו ויבקשו ללכת להתהלך בארץ ויאמר לכו התהלכו בארץ ותתהלכנה בארץ
8 vnumber="8"> css="font-weight:bold"> ח ויזעק אתי וידבר אלי לאמר ראה היוצאים אל ארץ צפון--הניחו את רוחי בארץ צפון {ס} art="x-p"/>
9 vnumber="9"> css="font-weight:bold"> ט ויהי דבר יהוה אלי לאמר
10 vnumber="10"> css="font-weight:bold"> י לקוח מאת הגולה מחלדי ומאת טוביה ומאת ידעיה ובאת אתה ביום ההוא ובאת בית יאשיה בן צפניה אשר באו מבבל
11 vnumber="11"> css="font-weight:bold"> יא ולקחת כסף וזהב ועשית עטרות ושמת בראש יהושע בן יהוצדק--הכהן הגדול
12 vnumber="12"> css="font-weight:bold"> יב ואמרת אליו לאמר כה אמר יהוה צבאות לאמר הנה איש צמח שמו ומתחתיו יצמח ובנה את היכל יהוה
13 vnumber="13"> css="font-weight:bold"> יג והוא יבנה את היכל יהוה והוא ישא הוד וישב ומשל על כסאו והיה כהן על כסאו ועצת שלום תהיה בין שניהם
14 vnumber="14"> css="font-weight:bold"> יד והעטרת תהיה לחלם ולטוביה ולידעיה ולחן בן צפניה--לזכרון בהיכל יהוה
15 vnumber="15"> css="font-weight:bold"> טו ורחוקים יבאו ובנו בהיכל יהוה וידעתם כי יהוה צבאות שלחני אליכם והיה אם שמוע תשמעון בקול יהוה אלהיכם {ס} art="x-p"/>