1 vnumber="1"> css="font-weight:bold"> א ויעל נחש העמוני ויחן על יביש גלעד ויאמרו כל אנשי יביש אל נחש כרת לנו ברית ונעבדך
2 vnumber="2"> css="font-weight:bold"> ב ויאמר אליהם נחש העמוני בזאת אכרת לכם בנקור לכם כל עין ימין ושמתיה חרפה על כל ישראל
3 vnumber="3"> css="font-weight:bold"> ג ויאמרו אליו זקני יביש הרף לנו שבעת ימים ונשלחה מלאכים בכל גבול ישראל ואם אין מושיע אתנו ויצאנו אליך
4 vnumber="4"> css="font-weight:bold"> ד ויבאו המלאכים גבעת שאול וידברו הדברים באזני העם וישאו כל העם את קולם ויבכו
5 vnumber="5"> css="font-weight:bold"> ה והנה שאול בא אחרי הבקר מן השדה ויאמר שאול מה לעם כי יבכו ויספרו לו--את דברי אנשי יביש
6 vnumber="6"> css="font-weight:bold"> ו ותצלח רוח אלהים על שאול בשמעו (כשמעו) את הדברים האלה ויחר אפו מאד
7 vnumber="7"> css="font-weight:bold"> ז ויקח צמד בקר וינתחהו וישלח בכל גבול ישראל ביד המלאכים לאמר אשר איננו יצא אחרי שאול ואחר שמואל כה יעשה לבקרו ויפל פחד יהוה על העם ויצאו כאיש אחד
8 vnumber="8"> css="font-weight:bold"> ח ויפקדם בבזק ויהיו בני ישראל שלש מאות אלף ואיש יהודה שלשים אלף
9 vnumber="9"> css="font-weight:bold"> ט ויאמרו למלאכים הבאים כה תאמרון לאיש יביש גלעד מחר תהיה לכם תשועה בחם (כחם) השמש ויבאו המלאכים ויגידו לאנשי יביש--וישמחו
10 vnumber="10"> css="font-weight:bold"> י ויאמרו אנשי יביש מחר נצא אליכם ועשיתם לנו ככל הטוב בעיניכם {ס} art="x-p"/>
11 vnumber="11"> css="font-weight:bold"> יא ויהי ממחרת וישם שאול את העם שלשה ראשים ויבאו בתוך המחנה באשמרת הבקר ויכו את עמון עד חם היום ויהי הנשארים ויפצו ולא נשארו בם שנים יחד
12 vnumber="12"> css="font-weight:bold"> יב ויאמר העם אל שמואל מי האמר שאול ימלך עלינו תנו האנשים ונמיתם
13 vnumber="13"> css="font-weight:bold"> יג ויאמר שאול לא יומת איש ביום הזה כי היום עשה יהוה תשועה בישראל
14 vnumber="14"> css="font-weight:bold"> יד ויאמר שמואל אל העם לכו ונלכה הגלגל ונחדש שם המלוכה
15 vnumber="15"> css="font-weight:bold"> טו וילכו כל העם הגלגל וימלכו שם את שאול לפני יהוה בגלגל ויזבחו שם זבחים שלמים לפני יהוה וישמח שם שאול וכל אנשי ישראל עד מאד {פ} art="x-p"/>